سامح حسين فنان بدأ من الصفر

سامح حسين فنان بدأ من الصفر

كتب : محمد على

ظهر الفنان سامح حسين فى أعمال كوميدية كانت بمثابة نقطة الإنطلاق للنجومية فى الوسط الفنى ويروى عن ظهوره فى راجل وست ستات أن القائمين على العمل كانو عايزين يمشوني في راجل وست ستات واحنا شغالين .قالولي احنا مش عايزين . مكنوش شايفيني هبقي كويس .واستاذ اشرف والمخرج اسد فولادكار قالو للمنتج نخلي سامح .فقلهم سامح مين ده .احنا جايبين فولان . فالمخرج قله انا مش شغال غير بسامح وسافر بلده لبنان والاستاذ اشرف قلهم ده هيبقي نجم الست كوم فشغلوني عشان يرضوه . وكنت اقل واحد فيهم في الاجر .كنت اقل من منة عرفه وكنت شغال ممثل ومساعد مخرج . اشتغلت كل حاجه في الست كوم ده .

اشتغلت حاجات كتير قبل الفن . اشتغلت نجار وحداد ونقاش واخدتها من تحت الصفر ومبيفرقش معايا هاكل ايه النهرده لاني متعود ان كان فيه ايام كان مفيش . بس يهمني اعمل اللي انا عايزه وبحب التجارب المختلفه . وكنت باخد مفتاح الاستوديو واروح اول واحد يفتحه لاني مبتعاملش مع الفن بروح المحترف لكن بروح الهاوي . اشتغلت بتاع اكسسوارات وادارة مسرح وديكورات وملقن لاني بحب الفن . وحتي لما دخلت الجامعه كنت اداب قسم مسرح . كانت مشاريع تخرجي كلها تراجيدي لان ده بإيدي اعمله ونفسي اجربه علي عكس ما اقدمه برا الجامعه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *